7 гыйнвар - Раштуа бәйрәме

Раштуа күп илләр һәм халыкларның көндәлек тормышына һәм мәдәниятенә ныклап үтеп керде, гомумкешелек цивилизациясенең аерылгысыз өлешенә әверелде. Әлеге бәйрәмнең бөек тылсымы кеше тормышына тирән мәгънә сала, иман, өмет һәм мәхәббәт чыганагы булып тора. Адәм баласын ул игелек-изгелеккә, күңел сафлыгына өнди. Алга таба да христиан динен тотучы райондашларыбыз күпмилләтле халыкның бай мирасын үстерүгә, милләтара, динара элемтәләрне, дуслык-татулыкны ныгытуга үз өлешен кертер дип ышанабыз. Яңа ел һәркайсыбыз өчен файдалы һәм игелекле эшләргә бай ел булыр. Раштуа һәр гаиләгә бәхет-шатлык, үзара аңлашу алып килсен. Сезгә рухи күтәренкелек, тынычлык, сәламәтлек, иминлек телибез.

Муниципаль район Советы, муниципаль район башкарма комитеты