Аны гомер бәйрәме белән  дүрт баласы, 10 оныгы һәм 10 оныкчыгы, якыннары гына котлап калмады. Тәбрикләү сүзләрен район социаль яклау бүлеге җитәкчесе Фәридә Галимова һәм Олы Мәтәскә авылы җирлеге башлыгы Миннәхмәт Валиуллин да җиткерде. Россия Президенты Владимир Путинның тәбрикләү хатын, чәчкәләрне һәм истәлекне бүләкне Асиәбикә апа олы рәхмәтләрен җиткереп кулына алды.

“Ходай озын гомерне, зиһенне бирде, мул тормышта кадер-хөрмәттә яшим, ходайга мең шөкер”,-ди кадерле кайнана булып яшәүче юбиляр. 40 ел  кайнанасы белән дус-тату яшәгән  Асиәбикә бүгенге матур тормышы, шуның әҗере дип саный. Бүген ул гомер иткән нигезендә улы Ильдус, килене Ильсөяр тәрбиясендә яши. Актив  әбиебез Җиңү көне уңаеннан  Казанда уза торган бәйрәм тантаналарының да кадерле кунагы. Милли бәйрәбез Сабантуй бәйрәмен дә бик яратып карый икән. Бу көннәрдә ул бәйрәмгә бирнә җыючыларны көтә. Урамга кадәр озатып калган якшы күңелле Асиәбикә әбинең яхшы кәефе безгә дә күчте. Алга таба да якыннары тәрбиясендә кадерле әби, әни булып яшәсә иде…

Эльмира Әхмәтҗанова.