«Академик Т. К. Сираҗетдинов укулары» фәнни-гамәли конференциясе узды

Быел ул Татарстан Республикасы Фәннәр академиясе академигы, Россия Федерациясе, Татарстан Республикасының атказанган фән һәм техника эшлеклесе Тәлгать Касыйм улының 95 еллыгына багышлап үткәрелде. Анда районыбыз мәктәпләреннән 37 укучы катнашты. Җиңүчеләргә КНИТУ - КАИ га кергәндә - 10, призлы урын алганнарга - 8, катнашучыларга - 2 балл өстәләчәк. Конференциягә академикның улы - профессор, техник фәннәр докторы Р. Т. Сираҗетдинов, Тәлгать Касыйм улының укучысы - техник фәннәр кандидаты З. Г. Шиһапов кайттылар.