Авыл җирлекләрендә шәхси затларның үзйөрешле машиналарына техник карау бара

16 май көнне Айдар авыл җирлеге территориясендә яшәүче шәхси затларның трактор һәм тагылма арбаларына техник карау чарасы үткәрелде. Тикшерү барышында анда катнашучы затларның регистрация документлары, техникаларының төзеклеге һәм куллану вакытында куркынычсызлык таләпләренә җавап бирү мөмкинлекләре каралды.

Чарага килүчеләр  техникаларын яхшы әзерләргә тырышканнар. Шәхси затлар тарафыннан җирлектә рәсмиләштерелгән техниканың 85% монда куелган иде. Бу бик яхшы күрсәткеч.

 Күзәтчелек органы таләпләреннән тыш, техниканың тышкы өслеген чистартып, буяп куюлар, әлеге чараның авыл җирлегендә аерым статуска ия булуын күрсәтә.

Чара авыл җирлеге башлыгы Х.Ш. Хасаншин катнашында узды.