Физкультурачылар көне белән!
Хөрмәтле физкультура укытучылары, тренерлар, ветеран укытучылар, район данын яклаучы спортчыларыбыз! Бәйрәмегез уңаеннан эчкерсез котлаулар, изге теләкләр кабул итеп алыгыз.
Теләче спортчыларының районара, республика күләмендә үткәрелгән спорт чараларында катнашып, призлы урыннарны алуы-физкультура укытучыларының үз эшләренә фанатларча бирелүе, тырыш хезмәте нәтиҗәсе. Районда спортны һәм физик культураны үстерү юнәлешендә күп эш башкарыла. Үсеп килүче буын сәламәт яшәү рәвеше алып барсын өчен барлык шартларны тудырырга тырышабыз. Райондашларыбызның республика, Россия күләмендә уңышларына сөенәбез. Алар - районыбыз горурлыгы.
Физкультура һәм спорт өлкәсен үстерүгә, яңа чемпионнар тәрбияләүгә, сәламәт яшәү рәвешен пропагандалауга өлеш кертүчеләрне, спорт ветераннарын Физкультурачылар көне белән чын күңелдән котлыйбыз, сәламәтлек, бәхет телибез.
Муниципаль район Советы, муниципаль район башкарма комитеты.
Следите за самым важным и интересным в Telegram-каналеТатмедиа
Нет комментариев