Грант оттылар

Агымдагы елның беренче кварталында, мәдәният учреждениеләре арасында республикакүләм муниципаль мәдәният һәм сәнгать учреждениеләренең иҗат коллективлары проектларына ярдәм итү максатыннан, Татарстан Республикасы Мәдәният министрлыгы тарафыннан конкурс игълан ителгән иде. Әлеге грантта Югары Мәтәскә авыл клубы мөдире Сәрия Харис кызы Гарипова, “Буыннар чылбыры - “Нить поколений” проекты белән катнашып, 200 мең сум күләмендә грант отты. Сәрия Харис кызын чираттагы җиңүе белән чын күңелдән тәбрик итәбез.