Район яңалыклары
Һәркем яшәгән төбәген матурлауга, яшелләндерүгә өлеш кертергә омтыла
Һәркем яшәгән төбәген матурлауга, яшелләндерүгә өлеш кертергә омтыла. Шундый игелелекле эшләрнең берсе – тирә-юнебезгә ямь бирүче, сулар һавабызны чистартучы агач-куаклар утырту. Юкка гына урманнарны планетаның үпкәсе димиләр.
Баландыш җирлеге башлыгы Рөстәм Мөхәммәтшин җитәкчелегендә, мәдәният хезмәткәрләре һәм авыл халкы белән берлектә, район күләмендә үткәрелгән чисталык бәйгесендә җиңү яулаган авыл җирлекләренә Ленин урман хуҗалыгы тарафыннан бүләккә таратылган агачларны утырту оештырылды. Озак та үтмәс, бергәләшеп утырткан үсентеләр матур булып үсеп китәр һәм тирә-ягыбызны тагын да ямьләндерер дип ышанып калабыз.
Илсаф Тимербайев.
Следите за самым важным и интересным в Telegram-каналеТатмедиа
Нет комментариев