Һөнәри бәйрәм котлавы

Бүген заманча технологияләр тормышыбызга тирән үтеп керсә дә, почта мәгълүматларны, язмача хат-хәбәрне, матбугатны кешеләргә җиткерүче иң ышанычлы чара булып кала. Почта дигәндә, күз алдына теләсә-нинди һава шартларында да пенсия, газета-журналлар, кешеләргә хатлар аша сөенечле хәбәрләр җиткерүче хат ташучыларны күз алдында тотабыз. Почта коллективы, күркәм хезмәт традицияләренә тугры калып һәм халыкның ихтирамын яулап, алдына куелган бурычларны җиренә җиткереп үтәү өчен эшли. Шул рәвешле кешеләрнең көнкүреше яхшыруга булышлык итә. Һөнәри бәйрәмегез уңаеннан барыгызга да нык сәламәтлек, зур уңышлар телибез. Сез китергән хәбәрләр һәрдаим район халкын сөендереп торсын.

Муниципаль район Советы, муниципаль район башкарма комитеты.

Фото: https://www.freepik.com