Һөнәри бәйрәм котлавы

Төзелешләр социаль-икътисадый үсешкә ныклы этәргеч бирүче рычагларның берсе. Бу мактаулы хезмәт - иминлек һәм тотрыклылык шарты. Һәр райондашыбызның тормыш сыйфаты шушы тармак эшчәнлегенә турыдан-туры бәйле. Яңа төзелгән һәм реконструкцияләнгән объектлар районның социаль йөзен билгели. Сезнең тырышлык белән Теләчебез, авылларыбыз көннән-көн матурлана, кешеләр туган йорт җылысын ныграк тоя. Яшәү өчен уңайлы шартлар тудырасыз, елның-елында республика һәм федераль программаларны уңышлы тормышка ашырасыз. Сезне һөнәри бәйрәмегез белән котлыйбыз. Бәйрәм көнендә без төзелеш оешмаларында хезмәт куючыларга гына түгел, төзелеш тармагында башлап юл яручыларга, ветераннарга да иҗади уй-ниятләрегезнең тормышка ашуын, районыбызның матур бүгенгесе һәм якты киләчәге хакына яңадан-яңа үрләр яулавыгызны, нык сәламәтлек, гаиләләрегездә иминлек һәм бәхет телибез.

Муниципаль район Советы, муниципаль район башкарма комитеты.