Һөнәри бәйрәмегез белән!

 Һәр кеше һөнәрен йөрәге кушканча сайлый. Сез иң зур байлык - кешеләр сәламәтлеге сагында тору бурычын үз өстегезгә алгансыз. Моннан берничә ел элек, пандемия чорында медицина өлкәсендә хезмәт куюның җаваплылыгы нык артты. Сәламәтлекләренә куркыныч янаган чорда кешеләр сезгә тагын да зуррак хөрмәт белән карый, гомерен сезгә ышанып тапшыра башлады. Авыруларның аякка басуы, тулы тормыш белән кабат яши башлавы табибларның сәләтенә, талантына нык бәйле. Үзегез дә сәламәт булыгыз бәхетле яшәгез. Авырулардан рәхмәт ишетеп, уңышларга ирешергә язсын. Игелекле һәм җаваплы хезмәтегездә 
бетмәс-төкәнмәс көч, рух ныклыгы, саулык һәм күңел көрлеге телибез.

Муниципаль район Советы, муниципаль район башкарма комитеты.