«Өченче буын» спартакиадасы

admin, 24 февраль 2023 - 11:15

481

«Батыр» спорткомплексында өлкән буын райондашларыбыз өчен спорт ярышлары башланып китте.

Ярышларны ачу тантанасында район башлыгы урынбасары Айрат Фатхуллин, Теләче Башкарма комитеты җитәкчесе Илнур Хәмидуллин, район Ветераннар оешмасы җитәкчесе Рәис Загидуллин катнашып, уеннарда уңышлар теләде. Шулай ук, бүген 65 яшьлек юбилеен билгеләп үтүче Үзәк авылыннан килгән Хәмит Кадировка махсус истәлек бүләге дә тапшырылды. Гомере буе сварщик булып эшләгән Хәмит абый, спорт белән яратып шөгельләнәм, мөмкинлек чыгу белән шушылай ярышларда катнашам, ди.
Авыл җирлекләреннән килгән өлкәннәребез төрле спорт ярышларында үз көчләрен сынап карыйлар. Катнашучыларга уңышлар теләп каласы килә!
Зөлфия Ибраһимова.