Райондашларыбыз иҗаты

Сынадыгыз. Кулландыгыз. Таптадыгыз...
Күрмәгәне калмады йөрәкнең!
Мәңге төзәлмәс яралы йөрәк белән
бу дөньяда яшәвем кирәкме?

Йә, әйтегез, кемгә кирәк
бу мәңге төзәлмәс йөрәк?!

Кададыгыз. Канаттыгыз. Төкердегез...
Ә йөрәк барысына чыдады.
Тик шушы йөрәктә сыгып та табылмас
бер тамчы ярату калмады...

Йә, әйтегез, кемгә кирәк
ярату калмаган йөрәк?!

Уйнадыгыз. Бәлки яраттыгыз... җитәр!
Яраланмаган урыны бармы? - Сирәк...
Бер нәрсәне телим һәм үтенәм:

зинһар, башка кагылмагыз!

Мең кат ямау салынган бу йөрәк
минем үземә... тик үземә кирәк!

©Ильяс Фархуллин