Район башлыгы Нәҗип Хаҗипов җитәкчелегендә чираттагы киңәшмә узды

 Чарада  муниципаль район Советы һәм башкарма комитетының җаваплы җитәкчеләре катнашты. Киңәшмәдә  "Бердәм хакимият системасында җирле үзидәрә оештыруның гомуми принциплары" канун проекты тикшерелде.  Авыл җирлекләрен бетерүне күз алдында тоткан бу закон проекты кызу бәхәсләр тудырды. Һәр авыл җирлеге башлыгы   проект буенча үз фикерләрен җиткерде.
Моннан тыш, үзара салым җыю, федераль программаларда катнашу, вакцинация, ветераннар арасында узучы "Балкыш" республика фестивалендә катнашу кебек мәсьәләләр дә каралды.