Сәгатьләр генә түгел, һәр минут кадерле

Алар аяз сәгатьләрне генә түгел, миунтларны да җитештерүчән хезмәттә үткәрергә тырышалар. Моның шулай икәнлегенә мин, район авыл хуҗалыгы һәм азык-төлек идарәсе җитәкчесе Ралиф Низаметдинов белән бергә урып-җыю эшләренең барышы белән танышканда тагы бер кат инандым. 

Бер уңайдан ул соңгы биш көндә нәтиҗәле хезмәт куйган комбайнчыларга акчалата премияләр, мактаулы «Урак батыры» вымпелларын һәм Теләче муниципаль районы башлыгының Рәхмәт хатын тапшырды. Соңгысына «Август – Теләче» ширкәте комбайнчысы Фоат Дәүләтшин лаек булды. Авыл хуҗалыгы предприятиеләрендәге сәяхәт турында тулырак «Теләче» газетасының киләсе саныннан укый аласыз. 

Фәнил Гаязов.