Таһир Якупов исемендәге Татар җырын башкаручылар арасында фестиваль-бәйгенең сайлап алу туры узды
Бүген Иске Җөри авылы мәдәният йортында «Карачтау авылы көйләре» дигән Таһир Якупов исемендәге Татар җырын башкаручылар арасында I республика фестиваль-бәйгесенең сайлау алу туры узды.
12 районнан килгән катнашучылар Татарстанның атказанган артисты Таһир Якупов репертуарыннан һәм үзләре теләгән бер җырны башкарып, Татарстанның халык артисты Миңгол Галиев җитәкчелегендәге хөрмәтле җюри алдында имтихан тотты.
Җиңүчеләр бүген кич Гала-концертта чыгыш ясаячак. Барлык лауреатларга дипломнар һәм истәлекле бүләкләр биреләчәк. Ә кемнәр Гала -концертка узган - аларны кичен белербез. Барыгызны да бүген 18.30 минутта Иске Җөри авылы мәдәният йортында көтеп калабыз!
Зөлфия Ибраһимова.
Следите за самым важным и интересным в Telegram-каналеТатмедиа
Нет комментариев