"Uram театры фестивале" ндә Теләчеләр дә катнашты

Әлеге чарада Теләче районыннан да бер төркем делегация катнашты. Кунакларны  татар музыкасының алтын баганалары булып торган композиторларның әсәрләре, халык көйләре каршы алды. Танылган драматург Мирхәйдәр Фәйзи музеенда бик кадерле экспонатлар, китаплар, афишалар, фотолар белән танышырга мөмкин иде. Фестивальдә "Иң яхшы хатын -кыз ролен башкаручы" номинациясендә  Теләче районыннан Олы Мәтәскә авылы мәдәният йорты директоры Гөлнур Гимранова бүләкләнде. Теләче район мәдәният йортының  "Сердәш" халык театры "Гайфи бабай, өйлән давай" спектакле белән 3 дәрәҗә Лауреат исемен алды. (Җитәкчесе -  Фирдәвес Нәгыймова). Бүләкләнүчеләрне котлыйбыз! 

Рада Әхмәтгаязова.