Ураза гаете мөбәрәк булсын!

Ураза бәйрәме – Аллаһы Тәгаләнең безгә бүләге. Бу көннәрдә райондашларыбыз, дин кардәшләребез ай буена ураза тотты, Аллаһы Тәгаләдән ярлыкау сорады, тәүбә итте, мәчетләрдә тәрәвих намазлары укыды. Араларында балалар, яшьләр булуы аеруча күңелле. Ураза гаете һәр йортка, һәр гаиләгә шатлык, якты өметләр алып килсен. Чын йөрәктән тынычлык, исәнлек-саулык, кайгы-хәсрәтсез көннәр телибез! Тоткан уразаларыбыз кабул булсын!

Муниципаль район Советы, муниципаль район башкарма комитеты, район мөхтәсибәте.