23 февральгә ир-егетләр нинди бүләк көтә?

"Авито" сайты үткәргән сораштырудан күренгәнчә, Казанда яшәүче ир-атлар 23 февральгә бүләк сыйфатында  иң популяр бүләкләр исемлеген төзегәннәр. Сораштыруда катнашкан ирләрнең күбесе бүләк сыйфатында (33%) сәгатьне атаган. Алга таба cпорт товарлары (24%), гигиена предметлары, косметика (21%) һәм гаджетлар (20%) бигрәк тә смартфоннар бара.
Шулай ук спиртлы эчемлекләр (12%), кием-салым һәм аяк киеме (9%), китап (5%) та аталган. Шуңа да карамастан, ир-атларның 29 процентка якыны бүләк сыйфатында сертификат алуны өстен күрә.
Үз чиратында Казанда яшәүче хатын-кызлардан да икенче яртыларына нинди бүләк әзерләүләре турында сораштырганнар. Җаваплар арасында беренче урынны дезодорантлар, шәхси гигиена предметлары, шулай ук бүләк сертификатлары алып тора.
Икенче урында кием һәм аяк киеме. Алга таба спорт өчен товарлар, оекбашлар яки эчке кием, китап турында әйткәннәр.
Сораштырылган хатын-кызларның күбесе (86 процент) бүләк турында уйлаганым юк дип белдергән.

Тулырак: http://shahrikazan.

Фото: интернеттан