Эсселәр кайтачак
Дүшәмбе, 17 июльдә, тотрыксыз һава торышына карамастан, температура күтәрелүен дәвам итәчәк. Бу хакта ТР Гидрометеоүзәге хәбәр итә.
Көндез төбәк территориясенең күпчелек өлешендә кыска вакытлы яңгырлар көтелә. Кайбер районнарда яшен булырга мөмкин. Төньяк-көнчыгыштан исәчәк җилнең тизлеге яшен вакытында секундына 16-21 метрга җитәчәк дип фаразлана. Көндез һава температурасы +20..+25 градуска кадәр җылыначак.
Сишәмбе һәм чәршәмбе көнне, 18 һәм 19 июльдә, республикада кыска вакытлы яңгырлар һәм яшенле тотрыксыз һава торышы сакланачак дип көтелә. Көндез +28 градуска кадәр җылыначак.
Чыганак: https://tatar-inform.tatar/news/yasen-il-ham-25-graduska-kadar-ylylyk-tatarstanga-iyul-hava-torysy-kaita-5873779
Следите за самым важным и интересным в Telegram-каналеТатмедиа
Нет комментариев