Гаилә ипотекасының яңа кагыйдәләре

Татарстанлылар 1 февральдән ир белән хатынга берьюлы ике гаилә ипотекасы рәсмиләштерә алмаячак. Элегрәк мондый хәл икенче ир яисә хатынның торак сатып алуга ризалыгы белән рөхсәт ителгән.  Чит ил кешеләре белән никахлар искәрмә булачак.

1 февральдән ташламалы программага туры килә торган өченче затларны җәлеп итеп, гаилә ипотекасы буенча торак сатып алу схемасы эшләмәячәк. Мондый схема вакытында ипотека юридик яктан өченче затка рәсмиләштерелгән, ләкин аны бөтенләй башка кешеләр түләгән. Мәсәлән, баласыз гаилә кечкенә балалы дус кызына гаилә ипотекасын рәсмиләштергән, ләкин аның өчен үзе түләгән. Яңа кагыйдәләр буенча татарстанлылар мондый схемадан файдалана алмаячак.

1 февральдән катнаш ипотеканы рефинанслау җиңелрәк булачак. Моннан соң Гражданнар бары тик займның базар өлешен генә рефинанслый алачак, ә аның калган өлешенә ташламалы ставка үзгәрешсез калачак. Элегрәк рефинанслау астына ипотека кредитының бөтен суммасы эләгә иде, бу ташламалы шартлардан мәхрүм итте.

Исегезгә төшерәбез, Татарстанда гаилә ипотекасы буенча кредитның максималь суммасы 6 млн сум тәшкил итә.