Зыян күрүчеләрнең икесе дә – ике яшьлек малай һәм 58 яшьлек ир-ат — хәзерге вакытта хастаханәдә.
Казан үзәгендә, бер бинаның төзелеш басмасыннан кар төшеп, ике яшьлек бала зыян күргән. Бу хакта «Татар-информ» агентлыгына ТР Сәламәтлек саклау министрлыгыннан хәбәр иттеләр.
«Ике яшьлек малай Республика балалар клиник хастаханәсендә ята. Ул үз аңында», - дип белдерделәр матбугат хезмәтендә.
Икенче зыян күрүче – башы җәрәхәтләнгән 58 яшьлек ир-атны 7нче шәһәр клиник хастаханәсенең нейрохирургия бүлегенә китергәннәр. Ул да үз аңында, хәле уртача.
Нет комментариев