Пенсия түләү көнен үзгәрткәннәр

Россиядә һәр ел саен 4 ноябрьдә Халыклар бердәмлеге көне билгеләп үтелә. Быел берьюлы 3 көн: 4-6 ноябрьдә ял итәчәкбез. Җомга – кыскартылган эш көне.

“KazanFirst” хәбәрчесенә Россия Социаль фондыннан аңлатып үтелгәнчә, пенсияләр төрле кешегә төрлечә бирелә. Әйтик, гадәттә айның 4-6 числосында алучылар картасына пенсия инде 3 ноябрьдә үк күчереләчәк. Пенсияләр 7, 8, 9 һәм 10 ноябрьдә гадәттәгечә киләчәк.

Социаль фондта билгеләп үтелгәнчә, пенсия түләү көне өченә һәм җидесенә туры килгән очракта, пенсионерлар акчаны көнендә алачак. Пенсияләрне түләү графигы төбәккә карап үзгәртелергә мөмкин.

Чыганак: https://vatantat.ru/2023/10/126411/