Татарстанда өч ай эчендә 19 ялган банкнота тапканнар

Табылган ялган акчаларның күп өлеше 5000 сум номиналлы банкнотларга туры килгән-белгечләр 16 шундый купюра тапкан. Моннан тыш, республикада 1000 сумлык ике ялган банкнота һәм 500 сумлык бер купюра табылган. Шулай ук 100 АКШ доллары Номиналы белән бер ялган банкнота табылган.

Үзәк Банкта акчаның дөреслеген мөстәкыйль рәвештә тикшерергә мөмкин булуын искәрттеләр. Моның өчен ким дигәндә өч саклану билгесенә игътибар итәргә кирәк.

Алар арасында — банкнотаны яктылыкка караганда күренә торган су билгеләре һәм саклагыч җеп, капшанып сизелә торган рельеф элементлары, шулай ук купюра авышкан вакытта Салават күпере полосалары яки үзгәрә торган цифрлар.

Белгечләр банкноталарны алар янчыкка эләккәнче тикшерергә киңәш итә.

Чыганак:веститатастана