Васильевода яшәүче хатын янгында әнисен, ирен һәм яшүсмер кызын югалткан

Янгын сүндерүчеләр килгәнче йорттан хуҗабикә һәм аның улы мөстәкыйль рәвештә эвакуацияләнгән, эчтә өч кеше калган: хуҗабикәнең 14 яшьлек кызы, аның 74 яшьлек әнисе һәм 52 яшьлек ире. Алар барысы да, кызганычка каршы, алар һәлак була.

Россия гадәттән тыш хәлләр министрлыгының ТР буенча Баш идарәсендә сөйләүләренчә, югары температура аркасында өй эченә керү мөмкин булмый. Янгынның мәйданы 100 квадрат метр тәшкил итә. Янгынның сәбәбен Дәүләт янгын күзәтчелеге тикшерүчеләре ачыклаячак. Беренчел версия буенча, ванна бүлмәсендә яктырткычлы көзге электр үткәргеченең кыска ялганышы булган.

"Татарстан Республикасы территориясендә ел башыннан бирле быел янгыннарда 128 кеше һәлак булды, шуларның 6сы-балалар. Яңа ел бәйрәмнәре чорында янгыннар чыгу, шулай ук аларда кешеләрнең һәлак булу куркынычы арта. Шуңа бәйле рәвештә гражданнарны көнкүрештә янгын куркынычсызлыгы чараларын үтәргә өндәргә телибез, электр һәм газ җиһазларын кулланганда  янгын куркынычсызлыгы чараларын үтәүгә аерым игътибар бирергә кирәк.  Төнгә электр приборларын һәм газ приборларын кабызып калдырмагыз", - дип искәртте Россия гадәттән тыш хәлләр министрлыгының ТР буенча Баш идарәсе башлыгы урынбасары Максим Трущин.

Чыганак: татаринформ