Максабаш авылыннан Рәхмәт Хаты

Быелның гыйнвар аенда балаларым, онык-оныкчыкларым минем яныма җыелып, 90 яшьлек юбилеемны билгеләп үткәрдек. Алар миңа рәхмәт сүзләре әйтеп, матур теләкләрен теләделәр, тәмле күчтәнәчләреннән бергә авыз иттек. Шулай ук Югары Кибәхуҗа авыл җирлеге башлыгы Фәрит Равил улы Мәхмүтов та Казан шәһәренә хәтле килеп, мине юбилеем белән котлап бүләк-күчтәнәчләр тапшырды. Зур котлаулары өчен аларның барысына да зур рәхмәтемне белдерәм. Ходай Тәгалә барыбызга да исәнлек-саулык, сәламәтлек, олы куанычлар бирсә иде диеп кылам догаларымны.

Максабаш авылыннан Фәүзия әбиегез.