Чәй пакетларын ташларга ашыкмагыз!
Чәйне пешереп, тәмләп эчәргә яратсак та, бик ашыкканда пакетлы чәйне аягүрә басып кына да эчәрә туры килә. Ә чәй пакетын башка максатларда да кулланырга мөмкин булуын белә идегезме? Мәсәлән, савыт-саба юу өчен. Ничекме? Хәзер сөйлибез!
Тәмле эчемлек әзерләүдән тыш, чәйне башка максатларда да кулланырга мөмкин. Әйтик, гөлләргә сибәргә ярый. Ул аларны төрле гөмбәчекләрдән саклый. Чәй шулай ук пешкәннән соң тирене йомшартырга ярдәм итә. 2 чынаяк чәй әзерләгез дә, аны тәлинкәгә салып суытыгыз. Шуңа чиста сөлге манып, янган урынга куегыз. Янган урын суынып торыр, кызарганлыгы да бетәр.
Савыт-саба юабыз
Кулланылган чәй пакетларын ташларга ашыкмагыз әле. Майлы савыт-сабалар юганда, чәй пакетын кулланыгыз. Кәстрүл-табаларыгыз ялтырап калыр. Гомумән, савыт-сабаны ашау белән юып кую яхшы, ләкин моңа һәрчак өлгереп булмаска мөмкин. Кич белән юылмый калган тәлинкәләрне юарга да чәй пакеты ярдәмгә килә. Әйткәнебезчә, ул майны бик тиз бетерә.
Следите за самым важным и интересным в Telegram-каналеТатмедиа
Нет комментариев