Орлык сатып алырга вакыт

Чөнки иң яхшы сортлы югары сыйфатлы орлыклар чәчү уңышка 15-20%, ә кайчакта аннан да артыграк өстәмә бирә. Орлык материалы сыйфатлы, бу өстәмә энергетик чыгымнарсыз (ашламалар, гербицидлар, пестицидлар) үсемлекләрнең тиешенчә үсүен тәэмин итәргә, чүп үләннәрнең, авыруларның, корткычларның тискәре йогынтысын киметергә һәм шуның нигезендә культураның уңышын һәм алына торган продукциянең сыйфатын арттырырга, туфракның экологик торышын яхшыртырга мөмкинлек бирә. Сорт чисталыгы югары булган орлык материалы булу мөһим. Биологик үсемлекчелектә орлыкларның чүп үләннәр белән чүпләнүе, авырулар белән зарарлануы, анда корткычлар булуы зур әһәмияткә ия.

     Орлык сайлаганда игътибарлы булырга, орлык салынган пакетларның маркировкасын җентекләп өйрәнергә кирәк, аларда җитештерүче фирманың исеме, үсемлекнең фотосы, рус һәм латин телләрендәге культура һәм сортның исеме, орлыкларның массасы, партия номеры күрсәтелергә тиеш. ТУ, ГОСТ, ОСТ тамгалары булуга да игътибар итегез, әгәр алар булса, димәк, әлеге орлыклар лаборатория шартларында җентекләп тикшерелгән һәм стандартлар таләпләренә туры килә. Орлыкларның яраклылык вакытына игътибар итегез. Ул күп факторларга: төргәкләүгә, саклау шартларына һәм культураның үзенә бәйле. Гади ялгыз төргәкләрдә орлыкларның 1 елга якын, капсулада һәм икеләтә төргәкләрдә шактый озаграк саклануын да исәпкә алыгыз. Пакетланган орлыкларда чүп үләннәре табылса, Россельхознадзорның Татарстан Республикасы буенча идарәсенә 88432776829 телефоны буенча мөрәҗәгать итәргә кирәк.

Россельхознадзорның Татарстан Республикасы буенча идарәсенең фитосанитария  hэм орлык контроле бүлеге дәүләт инспекторы Фәттахов М. Г.