Язын организмны ныгытабыз

Мин көздән күп итеп кара карлыган җимешен, гөлҗимешне киптереп куям. Яз көне алардан төнәтмә ясап эчәм, файдасын бик күрәм. 2 аш кашыгы карлыган, 1 аш кашыгы гөлҗимешкә ярты литр су салам һәм аз гына кайнатып алам. Термоста төнәтергә дә мөмкин. Ничә еллар инде, өйдәгеләрнең язгы якта авырып ятканнары юк. Безнең гаилә яз көне тузганак белән дуслаша. Төнәтмәсен шикәрле су белән ясап эчәбез, яфракларыннан салат ясап ашыйбыз. Баштарак ачы тоелган салатны хәзер бик яратабыз. Кыш көне дә сагынып искә алабыз әле.