Авыл җирлекләрендә прививка ясату оештырыла

Вакцинация — ул сәламәтлекне саклауның куркынычсыз һәм нәтиҗәле ысулы. Ул, организмны табигый яклауны активлаштырып, безне үлем куркынычы булган авырулардан саклый.

Районда халыкны «COVID-19» дан масштаблы вакцинация башланды. Авыл җирлекләрендә район хастаханәсе баш табибы Ирек Галиуллин әлеге мәкерле авыру хакында сөйли, халыкны борчыган сорауларга җавап бирә.

Хәзер теләгән кешегә прививканы район үзәк хастаханәсендә генә түгел, авыл җирлекләренә чыгып ясау да оештырылды. 9 апрель көнне Алан авылы фельдшер-акушерлык пунктында теләгән һәркем прививка ясата алды. Бу көнне аеруча Алан урта мәктәбе коллективы активлык күрсәтте. Прививка ясатырга исәпләгән кешеләрне табиб тикшерде, шуннан соң гына вакцина ясалды.

Бу хакта тулырак сез “Теләче” газетасыннан таныша аласыз.

Эльмира Әхмәтҗанова фотолары.