"Киллер" сатуга чыкты

«Киллер» китабына Марат Кәбировның ике повесте кергән — «Киллер» һәм «Хөрмәтле мәет әфәнде». Автор үзе әсәрләренең сюжетын «җилтерәтеп алып кереп китә» дип тасвирлады. Геройлар — хәзерге заманда безнең арада яшәүче кешеләр. Әсәрләр йөгерек телдә язылган, җиңел укыла, диалогларга һәм кичерешләргә бай.

«Киллер» әсәрендә ике кешенең очрашуы тасвирлана. Берсе — кешеләрне үлемнән алып калып, коткара торган табиб, икенчесе кешене үтерүче — киллер. Икесенең дә үткән тормышы, сере бар. Шушы серләр әсәр дәвамында чишелә һәм язмышлары кульминацион ноктага килеп терәлә», — диде автор.

Китап «Татмедиа» акционерлык җәмгыяте ярдәме белән «Идел пресс» нәшриятында басылып чыкты.  Форматы — кесә китабы. "Теләче" гәҗите редакциясенә килеп ала аласыз!