Күмәк көч тау күчерә

Авыл җыенына килгән халык: “Бу эшне эшләргә кирәк, агач утыртуны да онытмыйк, юл мәсьәләсен дә күз уңыннан ычкындырмыйк” дип, үзләренең фикер, тәкъдимнәрен җиткерә. Җәй аенда үзарасалым акчасына тәгаенләп куелган эшләрне башкарганнар. Шәтке авылында халыктан җыелган 260 мең сум акча, дәүләт ярдәмен кушкач, 1 миллион 300 мең сумга әйләнгән. Әлеге акча Шәткелеләргә су проблемасын да хәл итәргә ярдәм иткән. Авылдагы иске су башнясы яңага алыштырылган. Шулай ук “Черек күл” урамына чыгарга күпер эшләнгән. Авыл халкы үз акчасына башкарылган эшләргә сөенеп карый. Шәтке авылында вак таш түшәлмәгән урам калмагандыр, мөгаен.

Тулырак "Теләче" газетасыннан укый аласыз. (№83, 3.11.2021)