Россиядә вакцинацияләүне мәҗбүри ясатырга тәкъдим итәләр

Бу хакта Мәскәү мэрының социаль үсеш мәсьәләләре буенча урынбасары Анастасия Ракова журналист Антон Красовскийга биргән интервьюсында белдерде, дип хәбәр итә RT. 

Ил башкаласы Мэры урынбасары билгеләп үткәнчә, «әгәр мондый мөмкинлек булса», ул мәҗбүри вакцинация ясар иде. Әмма сүз барлык авырулардан да прививканы мәҗбүри ясату турында бармый.

«Вакцинацияне ясату принципиаль булган вакциналар бар. Мин Covid-19дан прививка ясатуны мәҗбүри итәргә кирәк иде дип әйтмәс идем», — дип аныклады Ракова. Ул ассызыклап үткәнчә, кайбер чирләр, беренче чиратта, балалар авырулары «чыннан да, бик зур куркыныч тудыра».