Татарстанда кабат температура рекорды куелган

14 майда ТР башкаласында рекорд куелган — термометрның терекөмеш баганасы +31,3 градуска (2019 елда +30,6 градус) кадәр күтәрелгән. 

15 май көнне башкалада һава температурасы Казань-опорная станциясендә +31,4, Казань-аэропорт станциясендә +31,6, Казань-Сокол станциясендә +32,4 градус тәшкил иткән. Моннан алдагы рекорд 1898 елның 15 маенда теркәлгән — ул чагында температура +29,6 градуска җиткән. 

16-нчы майда Казанда кабат температура рекорды куелды. Шулай итеп, Казан-опорная һәм Казан-аэропорт метеостанцияләрендә температура 32 градус тәшкил итте, Казан-Соколда термометр баганалары 32,2 градуска кадәр күтәрелде.

Алдагы максимум 1995 елның 16 маенда теркәлгән һәм 30,2 градус тәшкил иткән.