ТР Урман хуҗалыгы министрлыгы республика халкын «Урманны саклыйк» Бөтенроссия акциясенә кушылырга чакыра

Казан астында акция дүрт мәйданчыкта узачак: Лаеш районының Тарлаш авылы янында (участокның координаталары – 55.568590, 49.142142), Питрәч районының Иске Шигали авылы (55.815919, 49.528751), Казан шәһәренең Кульсеет т/м (55.912385, 49.29715) һәм Биектау районының Ивановка авылы янында (55.956983, 49.325805). Акция 10: 00 сәгатьтә башлана. Перчаткалар, көрәкләр һәм үсентеләр шунда биреләчәк.

Татарстан районнарында утырту вакыты һәм урыны турында «Урманны саклыйк» Бөтенроссия акциясенең рәсми порталында белергә мөмкин: https://сохранимлес.рф/ ТР Урман хуҗалыгы министрлыгы карамагындагы учреждениеләрдә-урманчылыкларда (тел. Министрлык сайтында күрсәтелгән: http://minleshoz.tatarstan.ru/rus/spmin.htm?department_id=8502.

Узган ел «Урманны саклыйк» Бөтенроссия акциясе кысаларында Татарстан Республикасында 310 га мәйданда 1,2 млн. данә утырту материалы утыртылды.

Исегезгә төшерәбез, агач утырту буенча республика табигатьне саклау акцияләре ТР Урман хуҗалыгы министрлыгы тарафыннан 2011 елдан бирле үткәрелә. Аларның максаты-урманга сак караш тәрбияләү, җәмәгатьчелек игътибарын урман ресурсларын саклау һәм арттыру проблемаларына җәлеп итү. 10 ел эчендә Татарстанда акцияләр кысаларында 6,5 мең гектардан артык мәйданда яңа урман утыртмалары утыртылды, 25 млн.данә утырту материалы файдаланылды, ә катнашучыларның гомуми саны 435 мең кешедән артып китте.