Бәйрәмгә кулич рецепты
Камыр өчен 1әр стакан сөт, су, 6 йомырка, 10 грамм коры чүпрә, 200 грамм сыер мае, ярты стакан шикәр комы, 1 стакан йөзем, он, ванилин, чама белән тоз; глазурь өчен 2 йомырка агы, шикәр комы булачак.
Сөтле суда коры чүпрәне җебетеп, шикәр комы салып, шуны 5-6 кашык он белән туглап, кабартабыз. Аннна соң тоз, ванилин өстәп, сыер мае һәм алты йомырканың икесенең агын алып калып, массага аерым-аерым кушып, болгатабыз һәм он кушып камыр ясыйбыз. Камыр куергач, йөзем кушабыз. Кулич формасының 1/3 өлеше итеп камырны салабыз. Массаны, чуенның кырыена кадәр кабарып менгәч, 180 градуслык итеп җылытылган духовкага куябыз. Бер сәгать пешә. Шикәр комы, ике йомырка агын болгатып, кулич өстенә ягабыз.
Следите за самым важным и интересным в Telegram-каналеТатмедиа
Нет комментариев