Иң тәмле бавыр кәтлите

0,5 кг бавыр, 2 йомырка, 1 стакан он, 1 башлы суган, тоз, яшел тәмләткечләр.

Кыздыру өчен үсемлек мае.

Бавырны һәм суганны ваклап бетермичә турарга һәм иттарткыч аша үткшрергә. Фаршка йомырка сытып, тоз һәм тәмләткечләр салып яхшылап болгатырга. Аз-азлап он салырга һәм каймак кебек камыр барлыкка килгәнче болгатырга. Май салынган табаны кыздырырга һәм 1 аш кашыгы белән камырны салып ике яклап 2-3 минут кыздырырга.

Тәлинкәгә тезеп, яшел тәмләткечләр белән бизәргә.