«Бердәм Россия» көне кысаларында Фәрит Мөхәммәтшин Теләче сәнәгать паркында булды

Промпарк тармак принцибы буенча түгел, ә товарларны җитештерү өчен башлангыч материал сайлау буенча махсуслашкан. Эшчәнлекнең нигезе - полимер материаллардан продукция әзерләү.

Гомуми мәйданы 350 мең кв. метр булган объект «Эшкуарлык инициативасына ярдәм» милли проекты буенча төзелгән.

Фәрит Мөхәммәтшин сәнәгать паркы резидентлары эше белән танышты. Хәзерге вакытта «Теләче» сәнәгать паркында 12 резидент бар, һәм аларның территория үсә бара.