Район башлыгы Нәҗип Хаҗиповның "Агролак" җаваплылыгы чикләнгән җәмгыять хезмәтчәннәрен котлавы

Чын күңелдән хезмәтегездәге яңа казанышыгыз белән тәбрик итәм - Сез хуҗалык тарихында беренче булып тәүлеккә 10 тонна сөт савып алуга ирештегез.
Бу безнең район икътисады өчен бик мөһим нәтиҗә, сөт терлекчелеген үстерүгә зур өлеш кертү, шулай ук башка хуҗалыклар хезмәтчәннәре өчен менә дигән үрнәк һәм яңа уңышларга илхамландыручы стимул. Сезнең тырыш, бердәм һәм проффесиональ хезмәтегез тирән ихтирамга лаек. Терлекчеләргә, авыл хуҗалыгы продукциясе җитештерүчеләргә, башка белгечләргә, хуҗалык җитәкчелегенә максатчан, системалы эш алып барулары, гомуми зур максатка ирешүдә һәркемнең лаеклы катнашуы өчен рәхмәтемне белдерәм.

Ихтирам белән, Теләче муниципаль районы башлыгы Н.Н.Хаҗипов