Районда өстәл теннисы буенча Теләче муниципаль районы Беренчелеге узды

2021 нче елның 29 нчы декабрендә «Батыр» спорт  комплексында 2013-2014 нче елгы, 2011-2012 нче елгы, 2008-2010 нче елгы, 2006-2007 нче елгы укучылар арасында өстәл теннисы буенча Теләче муниципаль районы Беренчелеге булып узды. Ярышларны ачу тантанасында спортчыларны Теләче муниципаль районы Башкарма комитеты җитәкчесенең социаль мәсьәләләр буенча урынбасары Д.С. Гыйниятуллин сәламләде.Әлеге чарада  районның 6 мәктәбеннән барлыгы 77 яшь теннисчы катнашты. Уен нәтиҗәләре буенча команда зачетында 1 урынны Теләче урта мәктәбе, 2 урынны Баландыш төп мәктәбе, 3 урынны Олы Нырсы урта мәктәбе яулады.