Теләче Информ

Татарстанда төлкеләр саны күп булган ау хуҗалыклары исемлеге билгеле

Республикада котыруга каршы чаралар нәтиҗәсендә, төлкеләр саны бүген 7 мең тирәсе дип исәпләнә.

(Казан, 27 февраль, «Татар-информ», Гөлнар Гарифуллина). Татарстанда аучылык хуҗалыкларында төлкеләр саны күплеге ягыннан лидер һәм аутсайдер районнар билгеле. Бу хакта бүген ТР Биологик ресурслар буенча дәүләт комитетының коллегия утырышында сүз барды.

Усинск, Мөслим, Баганинск, Ак Барс, Егерь ау хуҗалыклары — алдынгылар. Аларда 1 мең гектарга төлке исәбе бер берәмлектән кимрәк нисбәттә. Рысь, Мизиновск, Идел-Кама, Фазан, Актаныш хуҗалыклары — «кара исемлек» тә, анда төлкеләр тиешледән артык. 1 мең гектарга ике берәмлектән артык туры килә.

Татарстанда котыруга каршы эш нәтиҗәсендә, бүген төлкеләр саны 7 мең булуы әйтелде. 2015 елдан 2019 елга кадәр кыргый хайваннарда котыру очраклары 10 тапкыр кимегән.

Реклама

2021 елның 1 апреленә бөтен республикада төлкеләр санын 1 мең гектар мәйданга 1 җанвар исәбенә генә калдыру бурычы тора.

Котыру чиренә каршы эш кысаларында, 2019 елда комитет төлкеләр санын контрольдә тотуга 481 рөхсәт биргән. 4344 төлке атылган. Тикшерүгә 242 проба тапшырылган. 15 котыру очрагы ачыкланган.

tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: