Татарстанда яшь педагогларга хезмәт хакын арттырырга җыеналар
Татарстанның мәгариф системасында 64 меңнән артык педагогик хезмәткәр эшли, шул исәптән 32 мең укытучы һәм 16 меңнән артык балалар бакчасы тәрбиячесе. Укытучының уртача яше - 48 яшь, пенсия яшендәгеләр - 20 процентка якын.
Татарстанның Мәгариф һәм фән министрлыгы республика Хөкүмәтеннән яшь педагогларга өстәмә акчаны арттыруны сорый. Бу хакта ТР Дәүләт Советының Мәгариф, мәдәният, фән һәм милли мәсьәләләр комитеты утырышында мәгариф һәм фән министрының беренче урынбасары Андрей Поминов әйтте.
"Премьер-министр адресына безнең тарафтан яшь педагогларга өстәмә акчаны 2,5 мең сумга кадәр арттыру турында тәкъдим кертелде. Хәзер исә, беренче өч ел эчендә яшь укытучыларга 1 111 сум түләнә", - диде Поминов.
Чыганак: http://shahrikazan.ru/news/kyiskacha-ya%D2%A3alyiklar/tatarstanda-yash-pedagoglarga-khezmt-khakyn-arttyryrga-yenalar
Фото: интернеттан
Следите за самым важным и интересным в Telegram-каналеТатмедиа
Нет комментариев