3 август 2026 яңалыклары

03 август 2026
Юл һәлакәтләрен киметү максатыннан, машина йөртүчеләр арасында бәйге бара

Юл һәлакәтләрен киметү максатыннан, машина йөртүчеләр арасында бәйге бара. Бәйгедә катнашу өчен машина хуҗасының, ел буена юл кагыйдәләрен бозмыйча йөрүе, машинаның хуҗасы исеменә имминиятләштерелгән булуы һәм йөреп торуы (гаражда ятучы машина булмасын!) шарт.
03 август 2026
Казанда МХО катнашучысының тол хатыны кредит шартнамәсен гамәлдән чыгаруга иреште

Казанда һәлак булган МХО катнашучысының хатыны суд аша 7 млн сумнан артык кредит килешүен гамәлдән чыгаруга ирешкән. Бу хакта Татарстан прокуратурасы хәбәр итә.
03 август 2026
Казанда «Татарстан-Үзбәкстан» бизнес-форумы 200 компанияне җыйды

Казанда «Татарстан-Үзбәкстан» бизнес – форумы старт алды, анда 200 компания вәкилләре B2B-очрашулар уздырачак. Алар үзара файдалы элемтәләр таба һәм килешүләр төзи алачак, дип сөйләде журналистларга Татарстан Республикасы премьер-министры урынбасары – Татарстан Республикасы сәнәгать һәм сәүдә министры Олег Коробченко.
03 август 2026
Татарстанның яшь журналистлары 200 мең сумлык грант өчен көрәшә ала

Бүген, 3 августта, Татарстанда «Идел буе федераль округының Яшьләр медиасы» медиаконкурсында катнашуга гаризалар кабул итү башланды, ул 16 августка кадәр дәвам итәчәк. Бу хакта ТР Яшьләр министрлыгы матбугат хезмәте хәбәр итә.
03 август 2026
Су хаталарны кичерми

23 июнь көнне Алабуга районында Нократ елгасында 48 яшьлек ир-ат суга бата. Узган ялларда республикада өч кеше батып үлде. 26 июльдә Казансу елгасыннан 60 яшьләр тирәсендәге ир-атның мәетен табып алалар. Гаврилов урамында яшәүчеләр аның кич белән яр буенда йөргәнен күргән. Ир - атның нинди шартларда су астына китүе билгеле түгел, яр буенда киемнәре генә калган. Актанышта да шуңа охшаш хәл була. Пучы авылы күлендә 51 яшьлек ир-ат бата. Аның үле гәүдәсен 3 метр тирәнлектән табып алалар. Иң аянычлы очрак - Минзәләдә килеп чыга. 25 июль көнне кичке дүртләр тирәсендә Татар Мошыгысы авылы янындагы елгада биш яшьлек кыз батып үлә. Ул да әти-әнисе белән коену өчен җиһазландырылмаган урында ял иткән, кабартылган боҗра белән йөзгәннәр. Күрәсең, йөзү җайланмасы кинәт капланып, бала су төбенә китә. Әтисе кызын эзләп суга чумып караса да, таба алмый. Водалазлар килгәч, сабыйның гәүдәсен ярдан 15 метр ераклыкта, 2 метр тирәнлектән табып алалар. Республикада ел башыннан сулыкларда 35 кешенең гомере өзелә Шуның өчесе - балалар. Фаҗигалар нигездә су керергә ярамаган урыннарда килеп чыга.
03 август 2026
3 август - карбыз көне

Карбыз сайлаганда нәрсәләргә игътибар итәргә кирәк? Киңәшләр.
03 август 2026
Теләче районының ике оешмасында эшләүче машина йөртүчеләр быелның беренче җиде аенда юл кагыйдәләрен еш бозганнар

Юл иминлеген тәэмин итү буенча Татарстан Республикасы дәүләт комиссиясе 2026 елның җиде аенда юл кагыйдәләрен иң күп бозган машина йөртүчеләр эшләгән оешмалар исемлеген игълан итте.
03 август 2026
«Рубин » Савелий Ковтун белән 2028 елга кадәр контракт төзеде

Савелий Ковтун Казан «Рубин»ы белән 2028 елга кадәр профессиональ контракт имзалаган.
03 август 2026
Фоат Шайдуллин истәлегенә көрәш турниры узачак

Орымширмә авылында РСФСРның спорт остасы Фоат Шайдуллин истәлегенә көрәш турниры узачак.
03 август 2026
Юлда куркынычсызлык кагыйдәләрен онытмыйк

Алдагы мөрәҗәгәтебез шәхси затларга һәм оешмаларга караган трактор (яки авыр техника) хуҗаларына.
03 август 2026
Татарстанга кабат яшенле яңгыр якынлаша

Татарстан Гидрометүзәге синоптиклары август башында республикада һава торышы нинди булачагы турында сөйләде.
03 август 2026
Бер тәүлектә Татарстанда 5 янгын теркәлгән

1 августта Дәүләт янгынга каршы хезмәте хезмәткәрләре биш тапкыр янгын сүндерергә чыккан. Моннан тыш, янгын сүндерүчеләр ялган чакырулар буенча җиде тапкыр чакырылган.

Язылыгыз