Баш авыртуны бетерү ысуллары

Арып, баш авыртса, бер стакан су эчеп куярга кирәк. Андый чакта җылы ванна да булышырга мөмкин.

Кара карлыган согы хәтта бик көчле баш авыртуларны да юкка чыгарырга мөмкин.

Башка җиңелчә массаж ясауның да файдасы зур. Мисал өчен: чигә тирәсендәге чәчләрне тарткалап массаж ясарга мөмкин.

Баш өянәге вакытында баллы кайнар чәй файдалы.

Башны сөлге белән кысып бәйләү авыртуны җиңеләйтә.

Кәбестә яфрагы теләсә нинди баш авыртудан булыша. Яфракларны бераз угалап (кайнар су белән йомшартып җибәрергә дә мөмкин) авырткан җиргә куеп торырга кирәк.

Кабыгы белән киселгән лимон телемен авырткан чигәләргә ышкуның да файдасы бар.

Башыгыз стресстан авыртса, ятып торыгыз, тынычланыгыз.

Баш авырту күзгә туры килмәгән күзлек киюдән дә булырга мөмкин. Мондый очракта күзлекне алыштырырга кирәк.

Чыганак: Ватаным Татарстан  Фото: https://www.freepik.com