Гөмбә маринадлау

Кайнап чыкканда, өстеннән күбеген җыеп алырга. 20-30 минут пешерергә. Гөмбәне сөзеп, салкын суда чайкатырга һәм үлчәргә. 3 кг пешкән гөмбәгә 5-6 чынаяк су (күбрәк тә ярый), 3 аш кашыгы тутырып тоз салып, тагын 30 минут пешерергә. Сүндерер алдыннан укроп, тмин орлыгы, эрерәк турап, 5-6 тырнак сарымсак, 10 түгәрәк кара борыч, 3-4 лавр яфрагы, 1 чәркә (рюмка) 9 %лы аш серкәсе өстәп, 3 минут тирәсе кайнатырга. Стерильләштерелгән банкаларга суы белән бергә салырга һәм калай капкач белән ябарга. Банкаларны әйләндереп куярга, төрмичә генә суытырга. Капрон капкач белән дә ябарга мөмкин. Тозы артыграк һәм сулырак булса, капрон капкач белән дә әйбәт саклана. Тозлы булса, ашар алдыннан суын сөзеп, салкын су белән чайкатып, сарымсак, суганны вак кына турап, көнбагыш мае кушып ашарга була, тозы да нормальләшә.

Чыганак:https://vk.com/irekmaydani