Кабакның файдасы

 Үт куыгы ялкынсынган вакытта

Үт куыгы һәм бавыр ялкынсынудан «кабак сөте» эчү файдалы. Аны әзерләү өчен 50 г чистартылган төшкә су (80 мл) һәм шикәр комы (20 г) салып изегез. Аннары файдалы «сөт»не ач карынга эчегез. Бавырга кабак орлыклары төнәтмәсе дә файдалы. 250–500 г орлыкка 0,5–1 л кайнар су салып, 2 сәгать төнәтегез. Төнәтмәне 1 сәгать дәвамында эчәргә кирәк.

 Үт кудыру өчен

Кабак йомшагын турап, тары боткасы пешерегез. Боткага май, сөт, бал өстәгез. Мондый ботканы һәр көнне ашагыз. Ул үт куыгы авырулары вакытында файдалы.

Чыганак: https://vatantat.ru/2023/09/121785/