Кыз кешегә өеннән гөл алырга ярыймы?
Кыз кешегә туган йортыннан гөл алып китәргә ярамый, диләр. Бу динебездә бармы икән, әллә бер хорафат кынамы? Гөлләрия апа, Теләче районы.
Казанның “Саләх” мәчете имам-хатыйбы Тимергали хәзрәт ЮЛДАШЕВ:
— Кыз балага туган йортыннан гөл алып китәргә ярамау — бер хорафат кына. Без фәкать Коръән юлы белән гамәл-гыйбадәт кылырга тиешбез. Ырым-шырымга ышану — ислам динендә зур гөнаһ.
Бу хакта Аллаһ “Маидә” сүрәсендә: “И, мөэминнәр! Аллаһтан башка мәхлукларга табыну, шулай ук ырымлану-багучылык хәрамдыр, шайтан гамәлләреннән булган пычрак эшләрдер. Һәлак булудан котылмаклыгыгыз өчен бу нәҗес эшләрдән ерак булыгыз!” — дигән.
Чыгангак: https://vk.com/irekmaydani Фото: https://www.freepik.com
Следите за самым важным и интересным в Telegram-каналеТатмедиа
Нет комментариев