Миләүшә Халиуллинадан вак бәлеш рецепты

Иң беренче итеп эчлек әзерлибез. Дөгене бүрттерәсе. Аны саркытып фарш кушабыз, майлырак иттән чыгарылган фарш яхшы. Суганны бик вак итеп турыйбыз да сыек май бн кыздырып алабыз. Аны эчлеккә кушарга. Аннары инде тәменчә тоз, борыч өстәп болгатабыз. Эчлек әзер.

Камырны мин чупрәле итеп басам, ләкин кабартмыйм. Шунда ук ясый башлыйм. Җылы сөт һәм су бермә-бер, сыер мае яки йорт каймагы эретеп, тоз, әз генә шикәр комы, чүпрә, он салып йомшак камыр басабыз. Басып бетергәндә берәр уч сыек май салып камырга кертеп бетерәбез. Һәм ясый башларга да ярый.

Ашларыгыз тәмле булсын.