ӘРЕКМӘН СОГЫ БУЫННАРГА ШИФАЛЫ

admin, 13 июнь 2022 - 08:42

672

Иң элек әрекмән яфракларын җыеп, яхшылап агымсуда юарга кирәк. Тамырын да кертергә ярый, болай тагын да көчлерәк була.

Иттарткычтан чыгарып, согын кул белән сыгарга һәм 2 л сокка 1 л бал кушып, эрегәнче болгатырга. Стерильләштерелгән банкага тутырып, суыткычка куярга. Көнгә 3 тапкыр, ач карынга ашарга 30 минут кала, 1 әр аш кашыгы кабарга. Җылы суга болгатып эчәргә дә ярый.
Дүртенче ел шулай дәваланам. Миңа 3 л сок 3 айга җитә.
1 ай эчәм, 5 көн ял итәм. 3 ай эчкәннән соң, 7-10 көн ял итәргә кирәк.

Халык медицинасы чараларын кулланганчы, табиб белән киңәшләшү зарур.