Төче чиянең сабагы да файдалы

Моннан тыш ул организмны токсиннардан чистарта, холестеринны көйли. Төче чия баллы булганга күрә, ул организмга туклык хисе бирәчәк. Өстәвенә, анда калория бик аз: фигура бозылыр дип курыкмыйча, бу чияне күпме теләсәң, шулкадәр ашарга мөмкин. 100 грамм төче чиядә 50 ккал, 1,1 грамм аксым, 0,4 грамм май һәм 11,5 грамм углевод бар. Төче чияне аллергиядән, шикәр диабетыннан интегүчеләргә ашарга ярамый. Бигрәк тә кечкенә балаларда аллергия башланырга мөмкин.

Төче чиянең җимеше бер файдлы булса, аның сабагы икеләтә шифалы. Төнәтмәләре ярдәмендә бик күп кенә авырулардан котылырга мөмкин, дип ышанган борынгылар.

* Бөердә таш булганда. Ун данә төче чия сабагына 1 стакан су салып, 10–15 минут кайнатырга. Бу төнәтмәне көн дәвамында өчкә бүлеп, ашар алдыннан эчәргә киңәш ителә.

* Буыннар сызлаганда. Бу очракта да шундый ук төнәтмә әзерләнә. Әмма монда инде ул 30–40 төче чия сабагына 1 литр су салып ясала. Бер тәүлеккә шушы төнәтмәнең яртысын эчәргә кирәк.

Чыганак: https://vatantat.ru/2022/06/85976/

Фото: интернеттан