«Юллардагы иминлекне бергә саклыйк!» район бәйгесе узды

Ә бүген сезгә, Теләченең 2нче номерлы балалар бакчасы тәрбиячесе Гөлсинә Йосыпованың бәйге кысаларында язган шигырен тәкъдим итәбез.

Юл һәм гомер...

Иртән иртүк торабыз да,

Автомобильне егәрләп, тизрәк эшкә чабабыз.

Юлда тыз-быз автомобиль:

Көнгә ничә уза икән уйлап кына карагыз?..

Кешенең ярты гомере

Уза диләр юлларда.

Бәла-каза булдырмау,

Үзебезнең кулларда.

Дөнья булгач бар да була

Кешенең дә бар бит төрлесе.

Башкаларның гомерен уйламый,

Кагыйдә бозып  йөручесе.

Теләчебез дә гөжләп тора

Автомобиль тавышыннан.

Иртә-кичен бакча-мәктәп тирәсендәге җанлана барлык урам.

Элек кеше җәяү йөргән

Сау-сәламәт яшәгән.

Хәзер җәяү йөрү онытылып бара,

Авыл урамнары- техника белән тулган.

Җәй җиттеме бала-чага

Самокат, "велик" тота.

"Матай" алган ата-ана

Бигрәкләр дә "ут" йота

Бала бит ул, уйлап тормый,

Чыгып чаба юлга да.

Әти-әни син игьтибарлы бул!

Хәвеф-хәтәр булдырмау, Үзебезнең кулларда.

Кагыйдэлэр һәркемгә бер!

Бар да үтәсә иде!

Юлларда имин йөрү кирәклеген

Онытып җибәрмәсә иде!